- 64 -

1375. Dezember 9.

Ego fr. Johannes prior provincialis per provinciam Polonie Ordinis fr. Pred. Ordinacionem seu obligacionem nostrarum sororum in Mon. Rath. de dandis et conferendis novem Marcis fratribus nostri ord. ibidem annis singulis parte ex una, de legendis duabus missis singulis diebus in altari sancte trinitatis ecclesie dictarum sororum per dictos nostri ord. fratres parte ex altera, gratam et salubrem considerando reperiens, prout littere ex parte utraque supra premissis de assensu et licencia mea conflate plenius et lucidius ostendunt, approbo, ratifico et tenore presencium confirmo. Mandans utrisque in virtute Spiritus sancti et sancte Obediencie districcius quo possum, ut dictam ordinacionem seu obligacionem iuxta serenissimorum principum D. Joh. d. g. Ducis terrarum O. et R. Devota in Cristo Domina Anna divina clemencia earundem terrarum Ducissa eius conthorali legittima Nec non d. Johannis filij eorundem piam et devotam intencionem inviolabiliter proculmota fraude firmiter teneant et exequantur temporibus perpetuis. In cuius approbacionis ratificacionis et confirmacionis testimonium Sigillum officij mei presentibus duxi apponendum. Datum Rathibor Dominica secunda in Adventu domini A. d. M°. ccc°. lxx°. v°.

Aus dem Copialbuch der Dominicaner.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.